კახათის წმინდა გიორგის სახელობის სასულიერო გიმნაზიაში ხალხური ცეკვების წრე ფუნქციონირებს.
ის ესთეტიკური აღზრდის კერაა, რომლის ძირითადი მიზანია, მოზარდ თაობას ჩაუნერგოს ინტერესი და სიყვარული ცეკვის ხელოვნებისადმი, იზრუნოს მათში პროფესიული ჩვევების გამომუშავებისათვის.
წრის ხელმძღვანელია- რუსიკო სურმავა. ახალგაზრდა და გამოცდილი პედაგოგი, დიდი სიყვარულით და რუდუნებით აზიარებს პატარებს ხალხური შემოქმედებას და უყალიბებს სწორ მიდგომას, ყველა იმ ფასეულობებისადმი, რომლის შენახვა-განვითარება, ასე მნიშვნელოვანია მომავალი თაობისათვის.
აღსანიშნავია ის ფაქტიც რომ რუსიკო ჩვენს გიმნაზიაში სწავლობდა.
რუსიკო სახალხო ქორეოგრაფიული ანსამბლი ,,ყილოშტყებამის,” ქორეოგრაფია.
ა(ა)იპ ,,ხელოვნებისა და კულტურის განვითარების ცენტრს“ დაქვემდებარებულ ანსამბლებს შორის ერთ-ერთი გამორჩეული ახალკახათის სახალხო ქორეოგრაფიული ანსამბლი ,,ყილოშტყებამია,” რომელიც 2008 წელს დაარსდა. ანსამბლი მრავალ ფესტივალ -კონკურსზე გამარჯვებულია. 2012 წელს თბილისის არტ ჰოლში ჩატარებულ ფესტივალ-კონკურსზე ანსამბლმა 1 ადგილი აიღო და ოქროს მედლით დაჯილდოვდა. 2013 წელს საქართველოს ქორეოგრაფთა კავშირმა ანსამბლს სანიმუშო საბავშვო -სახალხო ანსამბლის წოდება მიანიჭა. 2015 წელს ქორეოგრაფ გიორგი სურმავას წლის საუკეთესო ქორეოგრაფის წოდება მიენიჭა. 2016 წელს ბათუმში გამართულ საერთაშორისო ფესტივალ -კონკურსზე ,,ბათუმი,” ანსამბლი გრამ-პრის მფლობელი გახდა და ბულგარეთში, საერთაშორისო ფესტივალის საგზური მოიპოვა.
